Søkjer ny sjef før gjenopning

– Kva blir det viktigaste som skal skje på Generalforsamling (GF) i helga?

– Det viktigaste vert nok val av fem posisjonar i Kvast (Kvarterstyret, red.anm.) samt ein del stillingar i Representantskapet (RS). Det kjem mykje informasjon for drifta av Kvarteret etter nyttår, og studentane får høve til å påverke. Elles kjem det alltids nokre interessante statuttendringar, seier avtroppande leiar ved Kvarteret, Erik Oramas.

– Når flyttar de inn i det nyoppussa bygget i Olav Kyrres gate 49?

– Huset tar vi offisielt over 1. desember, og innflyttinga vil skje same månad. I tillegg held vi no på å flytte inn i kontorlokalene våre i Villaen i Fosswinckelsgate 53.

PAUSE FOR NG2

– Kva skjer med NG2 i flytteperioden?

– I romjula vil det naturlegvis vere låg frekvens av arrangement. Etter nyttår vil det derimot ikkje vere arrangement her inntil opninga 5. februar.

– Kva er det viktigaste som skjer for Kvarteret i perioden framover?

– Først opussinga. Deretter å få meir midlar. I utgangspunktet mangla vi seks millionar kroner. No er det snakk om rundt tre millionar kroner. Førsteprioritet er å få i stand kinosalen.

INGEN KANDIDATAR

– Ingen har førebels stilt til val som ny Kvarteret-leiar. Kva skjer vidare?

– Vi jobbar med å få til kandidatar no, men folk vil òg kunne stille til val på sjølve samlinga.

– Du har jobba i eit år med å leggje til rette for gjeninnflyttinga. Korleis vert det å ikkje vere leiar i siste innspurt?

– For meg er det befriande å få høve til å jobbe med dei andre og få vere med på det fysiske arbeidet. Det er heller ikkje ein person åleine som skal gjere jobben, men eit samarbeid med dei andre. Eg kjenner meg trygg på at det vert valgt ein god leiar.

– Noko du vil sei til dei som vurderer å kome på GF?

– Det vil vere mykje fokus på framtidsplanane. Denne gongen vil vi vere strenge på å halde tida. Er det ikkje nok personar som møter opp, vil vi avslutte tidlegare. Eg meiner jo at dette er ei viktig sak å engasjere seg i.

Debattregler

• Personhets har ingen plass i debattene våre. Ikke trolling eller injurier heller. Slike innlegg bidrar ikke til debatten og vil bli slettet.
• Innlegg som inneholder reklame, spam eller forsøk på verving vil bli slettet.
• Rasistiske ytringer er forbudt etter norsk lov og vil bli slettet.

Hvorfor sletter vi ikke alle dårlige innlegg?

Vi ønsker mest mulig åpne og inkluderende debatter med færrest mulig slettede innlegg. Vi sletter innlegg som bryter med loven eller våre etiske retningslinjer.

Gode kommentarer kan bli benyttet i papirutgaven.

MERK: Moderator og journalister skriver aldri innlegg i kommentarene, innlegg med avsender 'webmaster'/'web-ansvarlig' eller liknende er falske og vil bli slettet.