Vil samle HiB-studentane

Studentar frå Universitetet i Bergen (UiB) utgjer den største brukargruppa av samlingspunktet Det Akademiske Kvarter. Økonomistudentane har Norges Handelshøyskoles Studentforening (NHHS). Men for dei over 6 500 studentane ved Høgskolen i Bergen (HiB) er miljøet splitta.

– No vil vi invitere studentane til å kontakte oss for å diskutere eit utgangspunkt for Høgskolen i Bergen Studentersamfunn (HiBS), seier medlem og tidlegare leiar i Bergen Teknikersamfund (BTS), Paul Ottar Tornes.

NAMNEBYTE

BTS står for det sosiale tilbodet til studentane ved HiB og var i starten ein organisasjon forbeholdt dei teknisk studerande. I dei seinare åra har det vorte opna opp for alle studentar ved skulen. Likevel er det framleis ingeniørstudentane som representerer storparten av medlemmene.

– Før generalforsamlinga til BTS i helga føreslo leiinga å endre namn på den rundt 130 år gamle organisasjonen. Dette for å i større grad vere open for andre studentar, forklarar Tornes.

– Diskusjon om namnebyte er lagt død etter at GF-en vart erklært ugyldig, men debatten sparka oss i baken for å få samla HiB-studentane, seier han.

Ifølgje Tornes er det no ein kjerne på sju studentar som jobbar med saka.

– HIB-IDENTITET

Intiativtakarane ser føre seg eit utval med representantar frå blant andre Studentparlamentet, BTS og frå dei ulike avdelingane ved HiB.

– Eit delt studentmiljø gir ein ugunstig verknad på miljøet. I forhold til HiB-identiteten er det viktig med engasjement utover studiane, og ikkje minst for skulen sjølv når det kjem til å marknadsføre seg for nye studentar, meiner nestleiar ved Studentparlamentet, Øystein Fimland.

NYTT TALERØR

Formann i BTS, Jørgen Harsem, trur samanslåinga kan få andre positive effektar òg.

– Vi arrangerer til dømes mange aktivitetar som dei andre studentane kan vere med på. I tillegg trur eg det vert enklare å stille krav på vegne av studentane, seier Harsem.

– At avdelingane vert samla i eit felles skulebygg på Krohnstad ligg langt framme i tid, men det er viktig å halde samarbeidet oppe fram til innflyttinga, meiner Tornes.

HiB er delt i tre avdelingar: Ingeniør, lærarutdanning og helse- og sosialfag. På lista over kandidatar som kan samlast under «paraplyorganisasjonen», kjem blant andre Høgskolerevyen, lærarkro, «Sosialdepartementet», Blæst (HiB-storband) og Bergen Teknikersamfund.

Debattregler

• Personhets har ingen plass i debattene våre. Ikke trolling eller injurier heller. Slike innlegg bidrar ikke til debatten og vil bli slettet.
• Innlegg som inneholder reklame, spam eller forsøk på verving vil bli slettet.
• Rasistiske ytringer er forbudt etter norsk lov og vil bli slettet.

Hvorfor sletter vi ikke alle dårlige innlegg?

Vi ønsker mest mulig åpne og inkluderende debatter med færrest mulig slettede innlegg. Vi sletter innlegg som bryter med loven eller våre etiske retningslinjer.

Gode kommentarer kan bli benyttet i papirutgaven.

MERK: Moderator og journalister skriver aldri innlegg i kommentarene, innlegg med avsender 'webmaster'/'web-ansvarlig' eller liknende er falske og vil bli slettet.