– Legg ned Samordna Opptak

– Skrot Samordna Opptak (SO) og la fakulteta ta seg av opptaka av studentane sjølve. Gjerne med klåre krav til studiekompetanse og opptaksprøve eller intervju av den enkelte student, seier den kontroversielle leiaren for Unge Høgre.

Røe Isaksen seier vidare at det er ikkje gym karakteren din som skal telje når du vil inn på samanliknande politikk. I staden bør ein kanskje ha minimum karakteren fire i samfunnsfag.

DJUPEDAL OVERSTYRER

– Det er ingen menneskerett å ta høgare utdanning! Venstresida meiner at det er godt nok at du kan stå oppreist og pustar, men me meiner det bør vere meir klåre krav til studentane. Om informatikk meiner at mattekunnskapane er for dårlege, og vil at studentane skal ha karakteren fire for å kome inn, så må universitetet få lov til det. Kunnskapsminister Øystein Djupedal skal ikkje overstyre det.

Røe Isaksen er for å la institusjonane få meir fridom.

– Fyrst må me få meir lokalt sjølvstyre, deretter må me få til eit finansieringssystem som seier at det ikkje skal lønne seg å ta inn flest mogleg studentar på alle fag.

Unge Høgre-leiaren meiner at diskusjonen no ikkje dreier seg om ein skal reversere kvalitetsreforma. Ei kvar reform har svakheiter. Spørsmålet no er kva som er steget vidare.

ELITEUNIVERSITET

– Ein svakheit er at universiteta kanskje ikkje gjer gode studentar betre. Det gjer det vanskelegare å byggje spesialkompetansesenter for gode studentar. Ein har virkemiddel, men dei gjeld ofte ikkje den vanlege bachelorstudenten. Høgare utdanning i Noreg er bra for det store fleirtalet, men er for dårleg til å ta hand om dei verkjeleg flinke. Nokre harselerer og kallar det for eliteuniversitet. I så fall er eg for at me skal ha eit tilbod til eliten.

Røe Isaksen understrekar at han ikkje er for å betale skulepengar på høgare utdanning, men at studentane som i dag skal bere nokre av kostnadane gjennom lån.

– Gratisprinsippet i Noreg står for sterkt til at me kan lefle med det. Samstundes har me alltid klart å finansiere høgare utdanning i Noreg. Det bør me gjere i framtida og, slår han fast.

Debattregler

• Personhets har ingen plass i debattene våre. Ikke trolling eller injurier heller. Slike innlegg bidrar ikke til debatten og vil bli slettet.
• Innlegg som inneholder reklame, spam eller forsøk på verving vil bli slettet.
• Rasistiske ytringer er forbudt etter norsk lov og vil bli slettet.

Hvorfor sletter vi ikke alle dårlige innlegg?

Vi ønsker mest mulig åpne og inkluderende debatter med færrest mulig slettede innlegg. Vi sletter innlegg som bryter med loven eller våre etiske retningslinjer.

Gode kommentarer kan bli benyttet i papirutgaven.

MERK: Moderator og journalister skriver aldri innlegg i kommentarene, innlegg med avsender 'webmaster'/'web-ansvarlig' eller liknende er falske og vil bli slettet.