Mest aktive brukere »

Nyhet.

Fredspris til kroatisk lærarstudent

Foto: PRESSE

Studentenes Fredspris for 2011 går til den 36 år gamle lærarstudenten Duško Kostić.

.
Sist oppdatert: 29.11.10 kl. 13.38

Duško Kostić er den første europeiske studenten som mottek Studentenes Fredspris. Han arbeider for å forbetre romfolket sin situasjon i Kroatia.

– Resultata frå Kostić sitt arbeid er oppsiktsvekkjande, skriv Eirik Vikum, leiar av Sekretariatet for Studentenes Fredspris (SSF) i ei pressemelding.

Prisen vert delt ut i samband med den internasjonale studentfestivalen i Trondheim (ISFiT) 18. februar neste år. Studentenes fredspris vert delt ut av Fredspriskomiteen, som består av representantar frå Norsk studentorganisasjon (NSO) og Studentenes og akademikernes internasjonale hjelpefond (SAIH).

I si grunngjeving skriv Fredspriskomiteen mellom anna: «Kostić brukar utdanning og opplysningsarbeid til å byggje bruer mellom folkegruppene. Komiteen ønskjer spesielt å trekkje fram Kostić sin innsats for å få fleire barn og unge til å ta utdanning, både på grunnskulenivå og høgare nivå.»

– Kostić sitt arbeid er til inspirasjon for minoritetar i heile Europa, også i Noreg, seier Vikum.

Ifølgje Kostić vert romfolket i Kroatia ramma av stereotypiar som stemplar dei som late og med dårlig arbeidsmoral. Han har sjølv opplevd fordommar og skepsis, både på skulen og når han har søkt jobb.

- I dag er nok mange sjalu på meg. Dei lurer på korleis eg som rom har klart å kome inn på universitetet. Mange ikkje-rom vil like dårleg at ein av romfolket får ein slik pris, seier Kostić til Adresseavisen.


 

Studentenes Fredspris og romfolket i Kroatia

Studentenes Fredspris

  • Vert delt ut på vegne av studentar i Noreg.
  • Ole Danbolt Mjøs, Børge Brende, Gro Holm og Vigdis Lian var ekspertar i årets komité.
  • Går til ein student eller ein studentorganisasjon som har utmerka seg i fred- og menneskerettighetsarbeid
  • Vinnaren får 50.000 kroner.
  • Prisen vert del ut 18. februar under den internasjonale studentfestivalen i Trondheim (ISFiT)

Romfolket i Kroatia

  • Kroatia blei i mars 2010 dømt av den Europeiske menneskerettsdomstol for å praktisere segregering av rombarn i skulen.
  • Mange barn av Romfolket kan lite eller ingen kroatisk når dei startar på skulen.
  • Estimater indikerer at berre 27 prosent av elevar frå romfolket faktisk fullfører grunnskulen.
  • I 2001 oppga rundt 9000 å vere av romfolket i Kroatia, i ei befolkning på 4.4 millionar. Estimatar tyder på at det verkelege antallet er mellom 30.000 og 50.000.

Debattregler

  • Personhets har ingen plass i debattene våre. Ikke trolling eller injurier heller. Slike innlegg bidrar ikke til debatten og vil bli slettet.
    Innlegg som inneholder reklame, spam eller forsøk på verving vil bli slettet.
  • Rasistiske ytringer er forbudt etter norsk lov og vil bli slettet.
    Hvorfor sletter vi ikke alle dårlige innlegg?
  • Vi ønsker mest mulig åpne og inkluderende debatter med færrest mulig slettede innlegg. Vi sletter innlegg som bryter med loven eller våre etiske retningslinjer.

Gode kommentarer kan bli benyttet i papirutgaven.