Annonse
Studvest får nye redaktørar
Fra hausten av tek Martin Larsen og Neri B. Shaw øve som redaktørar hjå Studvest.
Publisert
Sist oppdatert
Annonse
Studvest får nye redaktørar og dagleg leiar til hausten.
Martin Larsen tek over som kulturredaktør etter Aurora Kallevåg.
– Eg grugleder meg til å følgje i fotspora til Aurora Kallevåg som kulturredaktør. Ho har vore glimrande i rolla og ein bauta i avisa.
Larsen seier likevel at han har tru på året som kjem.
– Med ein solid kulturredaksjon i ryggen har eg tru på at dette blir eit fantastisk år.
Annonse
Samtidig tek Neri B. Shaw over som ny foto- og layoutredaktør etter Siri Angvik.
Shaw seier at han gler seg til å ta fatt på ei spennande ny tid for Studvest, og at han ser fram til å jobbe saman med dei gamle og dei nye redaktørane.
– Samtidig blir det litt som å hoppe etter Wirkola når eg tek over etter Siri, som har gjort ein kjempejobb og vore ei klippe for alle i fotoredaksjonen.
Ny dagleg leiar i Studvest er Torbjørn Vangen Vandstad, som tek over etter Lars Jacob Ruland Jacobsen.
Malene Langeland Sulen og Iben Lauvland Longva held fram som høvesvis ansvarleg redaktør og nyheitsredaktør fram til desember.
