Annonse
Stakk av med NM-sigeren
For første gong har HF-revyen vunne studentrevy-NM under Uka i Ås. Revysjefen beskriv det som eit eventyr og ser allereie framover.
Publisert
Annonse
Årets HF-revy som hadde tittelen «Neste stopp: Bergen?», vart nominert med heile to nummer til årets NM i studentrevy.
Under Uka i Ås laurdag 17. oktober vann revyen den gjæve førsteplassen for beste musikalnummer.
Dette er første gong HF-revyen har vunne NM i revy. Revysjef Ole Kristian Ugulen, gleder seg over utmerkinga og sigeren for beste musikalske nummer.
«Eit eventyr»
Ugulen beskriv opplevinga som eit eventyr, og meiner sigeren set Bergen på kartet – i revy samanheng vel å merke.
Annonse
– Revyen har verkeleg stått på og eg er utruleg stolt over kva alle saman har fått til. Denne prisen betyr ekstra mykje etter all den innsatsen alle har lagt i revyen i år. Eg håpar også at denne prisen set Bergen litt på kartet i revy samanheng.
Allereie no ser han fram mot revyens neste framsyning som kjem etter jul.
– Me er allereie godt i gong, seier revysjefen.
Også regissøren for årets revy, Kim Haugen, gler seg over sigeren og fortel at «å vere regissør var noko av det morosamaste eg har opplevd».
– Det å avslutte mi studentrevy-tid med å vinne NM er heilt utruleg og noko eg aldri kjem til å gløyme, utbryt Haugen.
