Koronaviruset: Kan bli fleire heimeeksamenar
Forskings- og høgare utdanningsminister, Henrik Asheim (H), ber universiteta og høgskulane om å vurdere alternative eksamensformer. Dette kan bety fleire heimeeksamenar.
Publisert
Sist oppdatert
Saka blir oppdatert.
I Bergen er det cirka 30.000 studentar. Når samtlege skal ha eksamen, er det mykje logistikk som skal klaffa. Ei av dei vanlegaste eksamensformene er å samla fleire emner og studium saman i ein gymsal.
Grunna koronaviruset og smittefaren det medfører, kan dette no endras.
Måndag kveld melde Aftenposten at forskings- og høgare utdanningsminister, Henrik Asheim (H), ba universiteta planleggje for alternative eksamensformer.
Han fortalde til Aftenposten at lærestadene allereie no må byrje å planleggje for at koronaviruset kan føre til ein ekstraordinær eksamenssituasjon.
– Det er viktig at studentane får avlagt eksamen, slik at dei ikkje blir forseinka i utdanninga si, uttalte Asheim til Aftenposten.
Fleire heimeeksamen
Vidare fortel Asheim til Aftenposten at ein no bør ta høyde for at det ikkje blir tradisjonelle eksamensformer, slik som å samle mange studentar saman i ein gymsal.
– Eit alternativ kan vere heimeeksamen som mange studiestader bruker i dag. Ein kan også tenkje seg at muntleg eksamen blir holdt via Skype, seier statsråden som dømer på kva som må vurderast.
Det er berre veker til dei første eksamenane byrjar.
– Difor sender me tysdag eit brev til alle landet sine høgskular og universitet kor me skisserer ulike scenario for å få avlagt eksamen, seier Asheim til Aftenposten.
